Homenaxe á revista 'Nós' nos 'Cadernos Ramón Piñeiro'
Recompila preto de corenta achegas de expertos.
Por E.P. | Santiago de Compostela | 11/03/2021 | Actualizada ás 20:13
O último número da colección 'Cadernos Ramón Piñeiro' recompila preto de corenta achegas de expertos para render homenaxe ao centenario da publicación da revista Nós, que se celebrou o pasado ano 2020.
O Centro Ramón Piñeiro para a Investigación en Humanidades (CRPIH) súmase á conmemoración co número XLII desta colección, titulado 'Dentro de Nós mesmo e a rente ou ao redor', un novo volume que rememora o boletín mensual da cultura galega no que participaran polo menos 200 autores.
O novo volume, que recolle ata 38 colaboracións, foi presentado este xoves en Santiago polo secretario xeral de Política Lingüística, Valentín García, que erixiu a revista Nós como "referente interxeracional de divulgación cultural, científica e lingüística" e un emblema dunha serie de intelectuais que impulsaron a normalización da lingua.
