O PPdeG acusa ao Goberno de "poñerse do lado dos negacionistas" polo recurso á Lei de Saúde

O secretario xeral do PPdeG, Miguel Tellado, arremeteu contra a "falta de respecto institucional" demostrada polo Goberno central tras presentar recurso ante o Tribunal Constitucional contra a Lei de Saúde galega, un movemento "claramente inaudito" e que se produce "sen abrir unha vía de diálogo" previo coa Xunta

Así o trasladou a preguntas dos medios en rolda de prensa, na que censurou que o Estado acuda "directamente" e de maneira "unidireccional" ao Constitucional cando o procedemento habitual sería impulsar unha comisión bilateral co Goberno autonómico. "É un erro do Goberno de España porque ademais non só ataca a un Goberno autonómico que fixo os deberes para loitar contra a pandemia senón que incumpre os seus propios compromisos", criticou.

Tellado defendeu que a Lei de Saúde non só "non incumpre nin vulnera" a normativa estatal, senón que se trata dunha ferramenta "imprescindible" e "solicitada por moitísimas comunidades autónomas" durante o primeiro Estado de Alarma para dotar da "seguridade xurídica necesaria" de face a xestionar a pandemia.

Neste sentido, lembrou que o Executivo de Pedro Sánchez "comprometeuse" a tramitar unha solución para dar cobertura e seguridade xurídica na adopción de medidas nas comunidades, para despois "incumprir" a súa palabra, aprobar un segundo Estado de alarma "desaparecendo do mapa" e deixando "toda a responsabilidade" da crise sanitaria ao Goberno autonómicos.

"O Goberno de patada na porta quere impedir que as administracións responsables o fagamos, póndose ao lado dos negacionistas", insistiu, para lamentar que se priorice os intereses "electorais e partidistas por encima da cogobernanza".

O secretario xeral do PP de Galicia, Miguel Tellado / PPdeG. / Europa Press