Falece o catedrático e profesor emérito da USC Luís Caramés
"Galicia perde a unha das persoas que mellor cultivou o coñecemento dos seus alumnos nas aulas da USC durante 35 anos", lamentou Feijóo.
Por Europa Press / Redacción | VIGO | 06/06/2021 | Actualizada ás 19:11
O catedrático e profesor emérito da Universidade de Santiago de Compostela Luís Caramés faleceu este fin de semana.
Fontes da universidade confirmaron a Europa Press a morte deste exdocente, que se xubilou tras traballar durante 35 anos na institución educativa.
Pola súa banda, a través dunha publicación na súa conta de Twitter, o presidente da Xunta, Alberto Núñez Feijóo, trasladou o seu "agarimo" á familia de Caramés, que era membro da Real Academia Galega das Ciencias, e lamentou o seu falecemento.
"Galicia perde a unha das persoas que mellor cultivou o coñecemento dos seus alumnos nas aulas da USC durante 35 anos", lamentou Feijóo, quen lembrou a traxectoria profesional do que fose decano da Facultade de Ciencias Económicas e Empresariais da universidade compostelá.
