Lipedema, a enfermidade que se confunde coa obesidade e que afecta ao 16% das mulleres

A Asociación Galega de Linfedema e Lipedema (AGL), entidade membro de COGAMI, lanzan a campaña Non Somos Invisibles para concienciar sobre o lipedema, unha enfermidade crónica infradiagnosticada que afecta a un 16% das mulleres.

O lipedema clasíficase, segundo a OMS, como "alteracións non inflamatorias da graxa subcutánea", e calcúlase que unhas 616 millóns de persoas no mundo viven con esta doenza, que se considera infratratada pola Sanidade.Os seus síntomas principais son o engrosamento de brazos e pernas, polo que moitas veces é confudida coa obesidade. Tamén pode producir dores constantes e nos casos avanzados afecta á mobilidade. 

A falta de investigación e o descoñecemento fan que sexa unha enfermidade para a que non existe cura e os tratamentos, como a ciruxía, son de prezos elevados. Por iso, dende AGL, a través da campaña Non Somos Invisibles, queren visibilizar a enfermidade, pois "a xente non sabe que é lipedema, chámalle gordura, obsesidade, pereza, falla de forza de vontade ou, directamente, sinalan, rin e mófanse coa expresión pernas de elefante".

Aínda que é unha enfermidade que afecta tanto a homes como a mulleres, cada vez afecta máis ao sector feminino, que ademais en moitas ocasións sofre discrimanación por mor da doenza. 

Entre as accións da asociación destaca a incorporación ao seu programa de fisioterapia un tratamento especializado en atención do linfedema e lipedema, contando xa con 70 persoas usuarias no servizo. Este programa desenvólvese coa colaboración da Fundación ONCE.