Unha ducia de voluntarios realizan labores de rexeneración ambiental nas Cíes
Ata o próximo 28 de agosto, o arquipélago tamén acolle un campo de voluntariado dirixido a mocidade de entre 18 e 30 anos.
Por E.P. | SANTIAGO DE COMPOSTELA | 21/08/2021 | Actualizada ás 18:50
As illas Cíes acollen durante todo o fin de semana 12 participantes no programa de voluntariado ambiental interxeneracional impulsado este ano polas consellerías de Medio Ambiente e Política Social.
Desde este venres e ata o domingo, as persoas voluntarias realizarán un amplo abanico de actividades de carácter ambiental ao aire libre, baixo a dirección e supervisión dos propios técnicos do Parque Nacional das Illas Atlánticas. Trátase dunha das 20 accións previstas en espazos naturais galegos no marco dun programa conxunto de Medio Ambiente e Política Social.
Ata o próximo 28 de agosto, o arquipélago tamén acolle un campo de voluntariado organizado pola Xunta e dirixido a mocidade de entre 18 e 30 anos.
