Tolerancia 0 cos emigrantes europeos en Suiza
Os galegos que acudiron a este país na procura de traballo nos últimos meses terán problemas.
Por Galicia Confidencial | Compostela | 09/02/2014 | Actualizada ás 18:30
Suiza volverá limitar a entrada dos europeos ao seu mercado laboral. Finalmente, a proposta do Partido Popular suizo tivo efecto, e o país helvético, que en gran medida se fixo co traballo dos emigrantes e que vive do diñeiro limpo ou non que chega aos seus bancos, restrinxirá o acceso aos cidadáns da UE.
A medida "Contra a migración en masa" foi proposta, en parte, para frear o gran número de emigrantes que chegaron a este país nos últimos tempos, especialmente, portugueses, españois e italianos. Unha medida semellante xa se adoptou en 2009 para controlar o fluxo de romaneses e bulgaros.
Cotas anuais
A pesar do axustado da votación --pouco máis do 50% dos que votaron arobaron a medida--, Suiza limitará, finalmente, a entrada de cidadáns de países da Unión Europea (UE) ao seu mercado laboral, a través do establecemento de cotas anuais que deberán aplicarse de aquí a tres anos.
Queda por ver se a UE tamén revisará, a partir de agora, a súa política laboral e económica con este país.
