Novo investimento para mellorar a vía férrea entre Ferrol e Ortigueira

Adif licitou por 668.927 euros (IVE incluído) a subministración de 750 toneladas de carril --en barra elemental de 18 metros-- e o seu transporte desde fábrica para mellorar as vías nas estacións de ancho métrico entre Ferrol e Ortigueira. En concreto, servirán para mellorar a configuración da praia de vías en: Ferrol, Xuvia, San Sadurniño, Moeche, Cerdido, Ponche Mera e Ortigueira.

Precisamente, Adif acaba de adxudicar recentemente por case 2,5 millóns de euros, á empresa Contratas e Vendas, as obras de renovación de vías nas estacións comprendidas neste tramo entre Ferrol e Ortigueira. O prazo das obras será de seis meses.

Estas obras enmárcanse nos traballos para eliminar o bloqueo telefónico no tramo Ferrol-Ortigueira (forma parte da liña Ferrol-Pravia), co fin de que pase a estar regulado por telemando automático desde o Centro de Regulación de Circulación (CRC) do Berrón (Asturias).

Arquivo - Vías de tren de Adif. ADIF - Arquivo