Tres persoas detidas na provincia de Pontevedra nunha operación contra a pornografía infantil
A investigación iniciouse no primeiro trimestre do ano 2021 despois de detectarse a existencia de actividades de explotación sexual de menores a través de Internet cometidas desde a provincia de Pontevedra.
Por Europa Press / Redacción | SANTIAGO DE COMPOSTELA | 19/11/2021 | Actualizada ás 18:07
Tres persoas foron detidas na provincia de Pontevedra no marco dunha operación da Policía Nacional contra a pornografía infantil.
Diso informou este venres a Comisaría provincial da Policía Nacional de Pontevedra, que, en colaboración con axentes da unidade de ciberdelincuencia, son os encargados deste operativo no que, polo momento, tres persoas foron arrestadas e outra permenece como investigada.
A investigación iniciouse no primeiro trimestre do ano 2021 despois de detectarse a existencia de actividades de explotación sexual de menores a través de Internet cometidas desde a provincia de Pontevedra.
As primeiras xestións correron a cargo da Brigada Provincial da Policía Xudicial e, máis tarde, pasaron a estar dirixidas desde o Xulgado de Instrución de Pontevedra.
Con todo, a investigación hase ramificado e participan agora tamén os xulgados de Vilagarcía e Ponteareas. Ademais do tres detencións, o operativo, que permanece aberto pendente de novas actuacións, tamén requisou materiais informáticos.
