A Deputación da Coruña e Cogami colaboran na inserción laboral de persoas con discapacidade
No 2021 facilitouse a inserción laboral de 1.813 persoas con discapacidade en Galicia.
Por E.P. | A CORUÑA | 10/01/2022 | Actualizada ás 18:31
A Deputación da Coruña e a entidade Cogami colaborarán na inserción laboral de persoas con discapacidade, cuestión que abordaron nunha reunión o presidente da Deputación da Coruña, Valentín González Formoso, e o vicepresidente da Confederación Galega de Persoas con Discapacidade, Ramón Sestayo.
González Formoso e Ramón Sestayo analizaron os resultados do Servizo de Intermediación Laboral (SIL), "noutro ano marcado pola pandemia como foi o 2021, un programa que conta co apoio económico da Deputación e para o que o ano pasado destináronse 45.000 euros", informa o organismo provincial.
Con el, engade, facilitouse a inserción laboral de 1.813 persoas con discapacidade en Galicia, 888 delas na provincia da Coruña, promovendo 6.946 sesións de orientación en Galicia, 2.996 na provincia.
