Cogami promove melloras na accesibilidade no 2021: máis de 50 intervencións
As intervencións están relacionadas en como facer accesible o acceso a unha vivenda familiar, como adaptar un aseo ou como facer unha senda pública accesible a todas as persoas.
- A Deputación da Coruña e Cogami colaboran na inserción laboral de persoas con discapacidade
- Cogami pide medidas para avanzar na protección de dereitos das persoas con discapacidade
Por E.P. | SANTIAGO DE COMPOSTELA | 14/01/2022 | Actualizada ás 11:43
A área de Accesibilidade da Confederación Galega de Persoas con Discapacidade (Cogami) realizou o ano pasado un total de 53 intervencións e respondeu a 20 consultas, todas elas referidas a como levar a cabo melloras en espazos persoais ou comunitarios ou para asesorar sobre itinerarios accesibles en espazos públicos.
A maior parte das consultas, todas estas remitidas a COGAMI a través de chamadas telefónicas, por correo electrónico e en menor medida presencial coa pandemia, foron trasladadas tanto por persoas con discapacidade ou familiares como tamén desde entidades, empresas e mesmo desde representantes da administración pública.
En canto ás temáticas, están relacionadas en como facer accesible o acceso a unha vivenda familiar, como adaptar un aseo ou como facer unha senda pública accesible a todas ás persoas. O ano pasado, o 62% das consultas recibidas procedían da provincia da Coruña; o 24% da de Pontevedra; o 11% da de Ourense e o 3% de Lugo.
