Empresarios e Deputación da Coruña xunto a entidades sociais traballarán en plans estratéxicos para a provincia
O encontro estivo presidido polo presidente provincial, Valentín González Formoso, e contou coa participación de representantes sindicais, da patronal, as dúas universidades da provincia, así como axentes sociais.
Por E.P. | A CORUÑA | 24/01/2022 | Actualizada ás 17:46
O Pazo de Mariñán, en Bergondo, acolleu este luns a celebración do Foro Económico e Social da Deputación coruñesa onde abordaron plans estratéxicos para a provincia, de cara a impulsar o seu desenvolvemento.
O encontro estivo presidido polo presidente provincial, Valentín González Formoso, e contou coa participación de representantes sindicais, da patronal, as dúas universidades da provincia, así como axentes sociais.
Nel, abordáronse cuestións como o desenvolvemento industrial, o prezo da enerxía, o emprego e a loita contra a covid-19. Fíxose, segundo explicou Formoso, unha "reflexión do estado actual da provincia", ademais de analizarse "os parámetros cos que pecha o 2021 a provincia coruñesa en relación ao emprego e á recuperación da actividade industrial".
Por outra banda, no ámbito do emprego, o deputado responsable desta área, José Ramón Rioboo, destacou a necesidade de "potenciar a formación para o emprego" e adiantou que que o Plan de Emprego Local (PEL) da Deputación será neste 2022 "máis social, sustentable e cunha maior dotación económica". A Deputación destinará, concretamente, 8,2 millóns de euros este ano.
