Outro gran incendio queima 40 hectáreas en Melón neste comezo de primavera

Medios de extinción de incendios controlaron un incendio declarado na noite deste pasado martes no municipio ourensán de Melón e que afecta a unhas 40 hectáreas.

Segundo informou a Consellería do Medio Rural, este lume comezou ás 22,03 horas deste martes na parroquia de Quins e permanece controlado desde as 2,50 horas deste mércores.

As últimas estimacións apuntadas por Medio Rural sitúan a superficie queimada nunhas 40 hectáreas. Para a súa extinción foron mobilizados seis axentes, nove brigadas e seis motobombas.

Zonas queimadas nun incendio | Fonte: Rosa Veiga - Europa Press