Concellos galegos participarán no III Foro da Cooperación Municipalista da Lusofonía en Cabo Verde
Neste tempo municipios e deputacións promoveron no arquipélago africano máis de 30 proxectos de cooperación en materia de xénero, educación, auga, vivenda e infraestruturas, entre outros
Por E.P. | SANTIAGO DE COMPOSTELA | 05/07/2022 | Actualizada ás 20:17
Representantes de municipios galegos participarán coa Xunta no III Foro da Cooperación Municipalista da Lusofonía, que comeza este xoves en Cabo Verde.
O Fondo Galego de Cooperación e Solidariedade coorganiza entre o 7 e o 9 de xullo este foro, que se celebra na cidade de Mindelo. Participan representantes dos municipios de Cabanas, Cambre, Lugo, Nigrán e Pontedeume.
As boas prácticas na inclusión dixital será o eixo das xornadas que celebra a Asociación Nacional deMunicipios de Cabo Verde (ANMCV).
En concreto, en 2022 cúmprense dúas décadas da colaboración entre o Fondo Galego de Cooperación e Solidariedade e a ANMCV. Neste tempo municipios e deputacións promoveron no arquipélago africano máis de 30 proxectos de cooperación en materia de xénero, educación, auga, vivenda e infraestruturas, entre outros.
