Operación contra o alcol ilegal: incautan máis de 1.000 litros de xenebra e augardente en Santiago
A Garda Civil comprobou que os precintos non eran válidos.
Por Europa Press / Redacción | SANTIAGO DE COMPOSTELA | 28/10/2022 | Actualizada ás 10:08
Efectivos da Patrulla Fiscal e Fronteiras da Garda Civil de Noi, no transcurso dunha inspección, localizou 718 litros de xenebra e 300 litros de distintos tipos de augardentes.
A mercadoría foi localizada no interior dun camión que se atopaba no Polígono Industrial Costa Vella en Santiago de Compostela con 8 palés de diversas mercadorías alcohólicas.
Os efectivos actuantes de Noia procederon a realizar as comprobacións aleatorias da mercadoría escaneando os códigos QR que van asociados a precintos fiscais, comprobando que tanto as das botellas de xenebra como as garrafas de licor non eran válidas.
Unha vez comprobadas ditas precintas coa autoridade aduaneira competente, as mesmas estarían inactivas, sen dar de alta. Por estes feitos procedeuse ao precinto preventivo de 2 palés de botellas de xenebra cun total de 1.436 botellas e un palé con 100 garrafas de 3 litros de capacidade de distintos tipos de augardente.
