Alerta laranxa na provincia de Pontevedra por choivas intensas
Por Europa Press / Redacción | SANTIAGO DE COMPOSTELA | 28/10/2022 | Actualizada ás 14:14
A Axencia Estatal de Meteoroloxía (Aemet) activou a alerta laranxa na provincia de Pontevedra por choivas intensas que poderían deixar acumulacións de 80 litros por metro cadrado en 12 horas. O aviso prolongarase ata as 12,00 horas deste sábado.
Así mesmo, a alerta amarela por choivas fortes manterase o sábado noutras zonas de Galicia, por exemplo na provincia da Coruña e o Sur de Ourense.
Ademais, este mércores activouse o plan autonómico de prevención de inundacións por risco de desbordamentos no Tambre, en Val do Dubra (A Coruña); do Verdugo, en Ponte Caldelas (Pontevedra); e do Deva, nas Regadas, en Arbo (Pontevedra).
Igualmente, produciuse a intervención dos servizos de emerxencias nun albergue municipal, situado en Pontedeume. A crecida do río Eume provocou inundacións puntuais nalgunha das estancias nesta edificación.
