Por Europa Press / Redacción | SANTIAGO DE COMPOSTELA | 22/12/2022 | Actualizada ás 14:46
Galicia pechou o mes de outubro como a segunda autonomía que paga máis rápido as súas facturas, só por detrás de Estremadura, segundo os datos que publica este xoves o Ministerio de Facenda.
Así, o período medio de pago rexistrado foi de 16,19 días, case 14 menos que a media das autonomía (30,08). Tamén se situou máis de 13 días por baixo do límite de 30 que establece a normativa estatal.
En canto á débeda comercial, o cociente débeda/PIB de Galicia situouse en outubro no 0,31%, por baixo da media, que foi do 0,34%. A do conxunto de comunidades era de 4.519 millóns, dos que 213, o 4,7%, corresponden a Galicia.
Por mor desta información, a Consellería de Facenda reivindica que os dtaos "volven ratificar que a comunidade continúa neste 2022 entre as que mellor atenden aos seus provedores, axilizando os pagos e evitando problemas de liquidez ás empresas que prestan servizo á administración galega".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.