Dios Ke Te Crew comeza a xira polo 20 aniversario en Vigo e A Coruña

A banda galega de hip hop Dios Ke Te Crew arrincará a súa nova xira, que leva o nome de 'Tremendos Anos 20' en conmemoración ao seu vixésimo aniversario, o venres 3 de marzo en Vigo e o sábado 18 na Coruña.

Neste novo percorrido polos escenarios do país, o grupo revisará as súas últimas creacións e, moi especialmente, os grandes éxitos da súa traxectoria, desde a súa formación en 2003.

Con tres discos ás súas costas e ducias de festivais e salas de concertos por toda Europa, a banda de Ordes publicou en 2022 un EP, 'En que ano estamos?', con cinco temas que interpretarán nestas novas citas. Nesta xira estará acompañada doutras figuras da escena musical galega.

Dios Ke Te Crew arrincará a súa xira polo 20 aniversario en Vigo e A Coruña | Fonte: Europa Press