A Xunta declara de interese galego a Fundación Fragas do Eume
Por E.P. | A CORUÑA | 04/04/2023 | Actualizada ás 10:48
O Diario Oficial de Galicia (DOG) publica este martes a resolución da Vicepresidencia Segunda e Consellería de Presidencia, Xustiza e Deportes pola que declara de interese galego e ordénase a súa inscrición no Rexistro de Fundacións de Interese Galego da Fundación Fragas do Eume.
A Fundación foi constituída pola entidade Grupo Ecoener, S.A. e na resolución lémbrase que, segundo os seus estatutos, ten como fins a defensa, conservación, protección e ordenación do ambiente e a diversidade natural asociada ás Fragas do Eume, participar activamente na conservación do espazo fomentando a custodia do territorio e restaurar as condicións naturais alteradas loitando contra a fragmentación, a perda de hábitats, o risco de incendios e a erosión.
Tamén ten por obxecto coidar e acrecentar a beleza da paisaxe e concienciar ás persoas para un uso e goce que preserven as Fragas do Eume. O padroado inicial da Fundación está formado Luís de Valdivia Castro, como presidente; Inés Juste Bellosillo, como vicepresidenta; e Fernando Rodríguez Alfonso, como secretario.
Contra esta orde, que pon fin á vía administrativa, pode interporse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia (TSXG), no prazo de dous meses. Podendo, ademais, interpor previamente e con carácter potestativo recurso de reposición ante o mesmo órgano que ditou o acto, no prazo dun mes.
