Tanxugueiras están nomeadas a sete galardóns nos XV Premios de Música Independente
O trío galego que formado por Aida Tarrío e as irmás Olaia e Sabela Maneiro está entre os nomeados en sete das 21 categorías que comprenden os galardóns deste ano.
Por Europa Press / Redacción | SANTIAGO DE COMPOSTELA | 19/04/2023 | Actualizada ás 20:35
Tanxugueiras son o grupo con máis nomeamentos aos XV Premios de Música Indepediente (MIN) por optar a sete galardóns, entre eles o de mellor álbum do ano e mellor directo. Samantha Hudson será a mestra de cerimonias da gala de entrega premios, que terá lugar en Palma coas actuacións de La La Love You, Karmento, shego, Las Migas, Xavibo e OR (O-ERRA).
O trío galego que formado por Aida Tarrío e as irmás Olaia e Sabela Maneiro está entre os nomeados en sete das 21 categorías que comprenden os galardóns deste ano. Tanxugueiras opta ao premio 'The Orchard a Álbum do Ano', 'Sympathy for the Lawyer a Mellor Videoclip', 'Álbum Música de Raíz', 'Álbum Galego', 'SAE Spain a Produción Musical', 'Mellor Letra Orixinal' e 'Ticketmaster a Mellor Directo'.
Séguenlle, con seis nomeamentos, 'Os Estanques' e 'Anni B Sweet' ('The Orchard a Álbum do Ano', 'Radio 3 a Canción do Ano', 'Amazon Music a Mellor Artista', 'Ticketmaster a Mellor Directo', 'AGEDI a Mellor Álbum de Pop' e 'SAE Spain a Produción Musical').
Por detrás sitúase a cantante Zahara con cinco candidaturas a 'Radio 3 la Canción del Año', 'Amazon Music a Mellor Artista', 'Ticketmaster a Mellor Directo', 'Mellor Letra Orixinal' e 'Marilians a Deseño Gráfico'. Así mesmo, con catro oportunidades de levar o premio atópanse Vicente Navarro e as Xenebras. Seguidamente, artistas como Alice Wonder, Rigoberta Bandini ou Las Migas, optan a tres nomeamentos.
