Insuficiencia Venosa Crónica, a enfermidade silenciosa que afecta a máis do 50% das mulleres
Dor nas pernas, formigueo, alteracións cutáneas ou edemas nos nocellos e pés, entre os síntomas máis comúns da IVC.
Por Galicia Confidencial | Santiago de Compostela | 30/04/2023 | Actualizada ás 10:00
Máis do 50% das mulleres padece Insuficiencia Venosa Crónica, unha patoloxía do sistema circulatorio na cal, as veas son incapaces de realizar o adecuado retorno da sangue ao corazón provocando a súa acumulación nas pernas. Esta é unha das patoloxías máis infradiagnosticadas e polo tanto máis infratratadas.
Os doentes desta patoloxía comezan con cambras, cansancio, picor na pel, sensación de pesadez e edemas na parte inferior das pernas. Tamén se recollen síntomas como dor nas pernas ou formigueos. Todo isto vése agravado pola idade, os embarazos, o sedentarismo, a bipedestación prolongada, cambios hormonais ou factores hereditarios.
Ademais, a alta prevalencia desta enfermidade, dificulta a adecuada atención por parte da Seguridade Social, xa que ten un alto custo e necesita un prolongado seguimento. En parte, por isto hai un 60% de casos sen diagnosticar.
Como resposta, habilitouse en Vigo a primeira clínica privada especializada no tratamento interdisciplinar desta patoloxía chamada C1dema . Dende alí, o o director da clínica, Román Rodríguez Cid destaca que "é recomendable comezar a tratar esta patoloxía nas súas fases iniciais para evitar complicacións posteriores"
