As análises para detectar norovirus na auga de Betanzos dan negativo

As análises da Xunta para detectar a presenza de norovirus na auga de Betanzos foron realizados desde o pasado mércores en oito puntos, tanto nos depósitos de cabeceira como na rede de traída de augas municipal, empezaron a dar negativo.

Así o comunicou este venres o delegado da Xunta na Coruña, Gonzalo Trenor, que explica que a dirección xeral de Saúde Pública informou esta mesma xornada dos resultados á alcaldesa de Betanzos, María Berral. Ademais, as mostras recollidas no xoves, confirman esta tendencia e volveron a dar negativas en norovirus.

Nun comunicado remitido aos medios, o delegado manifestou que aínda será necesario facer unha terceira recollida de mostras, o vindeiro luns, para confirmar a posibilidade de que se recomende ao Concello o levantamento das restricións no consumo de auga da traída municipal.

O luns tomaranse novas mostras para determinar que os parámetros de microbiología e bioquímica son os correctos, tras reducir o nivel de cloro, por parte do concello de Betanzos, tal e como indicaron os técnicos da Xunta de Galicia. Estes resultados corroboran tamén a efectividade da limpeza dos depósitos e da rede, así como da hipercloración da auga.

No caso de que os resultados das mostras do luns sexan óptimos en relación coa calidade da auga, a Xunta recomendaría ao concello levantar as restricións. Feito que podería producirse o mércores ou o xoves cando se reciban os resultados definitivos das analíticas.

Trenor lembrou que, desde o inicio da crise no sistema de abastecemento municipal de Betanzos, a Xunta colaborado desde o minuto uno co concello levando a cabo 56 analíticas por parte do departamento de Sanidade, outras 32 por parte de Augas de Galicia e realizáronse tres encontros coa alcaldesa de Betanzos.

O representante do Goberno lembrou que tanto a ETAP como a de distribución e de abastecemento de auga son responsabilidade do goberno local e recalcou que a finalidade da ETAP é garantir que a auga que se capta no río, que non é apta para o consumo, convértase en potable.

Cos resultados das mostras tomadas pola Xunta no río, a Administración autonómica sinala que non hai base para afirmar que a orixe do brote de gastroenterite sexa a auga do río Mendo, como afirmou o concello. O delegado de Xunta recalcou que sendo unha competencia exclusivametne municipal, o Goberno galego actuou con total lealdade facendo recomendacións para tentar buscar unha solución á grave crise por contaminación na rede de abastecemento municipal.

Concretamente, xa o 2 de xuño os técnicos de Sanidade apuntan á necesidade de levar a cabo unha limpiea profunda dos depósitos e da rede, algo que non se iniciou ata o 11 de xuño. Trenor recalcou que os datos negativos en norovirus que empezan a recorgerse desde o pasado mércores coinciden coa finalización dos traballos de limpeza nos depósitos e na rede municipal.

O representante do Goberno galego incidiu no esforzo realizado pola Xunta que foi a administración que detecta o brote, a que constiuye un equipo de investigación e a que realiza as recomendacións sanitarias e pon en marcha un plan de análise. Segundo indicou, os técnicos da Xunta tamén foron os que identificaron o norovirus e os que mantiveron informada e asesorada á alcaldesa con reunións de coordinación e seguimento da crise.

Trenor tamén lembrou que foi o equipo autonómico o que recomendou os labores de hipercloración e de limpeza e desinfección que parece que están a empezar a producir os primeiros resultados positivos na calidade da auga.

O delegado da Xunta manifestou que a Xunta seguirá colaborando coa alcaldesa para pechar este proceso de contaminación da auga municipal e mostrou a súa confianza en que as análises dos próximos días manteñan esta tendencia positiva na calidade da auga para pór fin a 26 días de restricións no consumo da auga de Betanzos que chegou a afectar a máis de 800 veciños no concello.

Casco vello de Betanzos | Fonte: turismo.gal