Carmela Silva afurna que Ana Pastor sempre foi "a maior inimiga" de Vigo chama a "poñer no seu lugar" ao PP
O candidato socialista ao Congreso por Pontevedra, David Regades, subliñou que o Executivo de Pedro Sánchez foi "o que máis investiu en Vigo".
Por E.P. | VIGO | 04/07/2023 | Actualizada ás 19:33
A candidata do PSOE ao Senado pola provincia de Pontevedra, Carmela Silva, chamou este martes a "pór no seu lugar" ao PP, e á súa candidata ao Congreso Ana Pastor, á que cualificou como "a maior inimiga" de Vigo, por meter " no caixón" infraestruturas estratéxicas para a cidade e a súa área, como o AVE por Cerdedo, o saída sur ferroviaria ou a autovía en túnel ao Porriño.
En declaracións aos medios en Vigo, a candidata socialista sinalou que estes días "anda pola provincia" Ana Pastor, que "nos últimos catro anos non pisou a provincia", polo menos "non para defender a Vigo e ao concello nin unha soa vez". "Faríalle un enorme favor á cidadanía se se estivese calada, porque esta señora paralizou todos os grandes proxectos de infraestruturas para Vigo", proclamou Carmela Silva.
Segundo ha recordardo, eses proxectos retomáronse coa chegada de Pedro Sánchez ao Goberno de España, polo que "a Vigo e á provincia de Pontevedre interésalles moito que siga gobernando Pedro Sánchez, e á cidade lle intersa lembrar que quen paralizou sempre os avances foi o PP, encabezado por Ana Pastor".
Por iso, fixo un chamamento: "Xogámonos o futuro da provincia e de Vigo, e Ana Pastor foi a maior inimiga da cidade, non se merece o voto de nin unha soa persoa". Carmela Silva instou a "pór no seu lugar" a través do voto a quen "ataca" á cidade.
Na mesma liña, o candidato socialista ao Congreso por Pontevedra, David Regades, subliñou que o Executivo de Pedro Sánchez foi "o que máis investiu en Vigo" e por iso "é fundamental" conseguir "catro anos máis de goberno socialista" para culminar esas grandes infraestruturas. "O voto útil nas xerais é o voto ao PSOE", sentenciou.
