Salva a unha muller a piques da afogar nunha praia de Valdoviño
Foi un garda civil fóra de servizo o que rescatou á moza na praia do Río de Meirás .
Por Galicia Confidencial | Valdoviño | 12/07/2023 | Actualizada ás 10:22
Un garda civil da Comandancia da Coruña libre de servizo rescatou a unha muller na praia do Rio de Meirás, en Valdoviño. Os feitos sucederon o pasado luns, 10 de xullo, cando o garda observou a unha persoa na auga, a uns 25 metros da beira, que mostraba signos de ter dificultade para regresar a terra.
Unha das súas amigas díxolle que fora arrastrada polas ondas e non conseguía saír. O garda tirouse a auga para auxiliar á muller que se atopaba en perigo. Ao chegar a súa altura, comezou a tranquilizala e guiala cara a unha zona de ondas, coa intención de aproveitar a forza das mesmas para conseguir alcanzar ambos a beira, logrando tras varios intentos saír da auga.
Unha vez en terra, ambos foron atendidos por persoal do 061 que estaba no lugar, procedendo ao seu traslado ao hospital Arquitecto Marcide de Ferrol. Tras a correspondente avaliación médica por parte do persoal do devandito hospital, a moza foi dada de alta no día de onte, quedando o garda civil ingresado en observación.
