Xeal, antes Ferroatlántica, recorre a un helicóptero para axudar nas tarefas de mantemento dunha tubaxe na Costa da Morte

Xallas Electricidade e Aliaxes (Xeal), antes Ferroatlántica, iniciou o pasado fin de semana labores de mantemento na súa tubaxe de Castrelo, para o que necesitou o apoio dun helicóptero para trasladar o material auxiliar a este enclave da Costa da Morte.

En concreto, trasladou principalmente estada á zona na que se van a realizar os traballos, que é de difícil acceso. Os labores de mantemento desta tubaxe continuarán durante as próximas semanas e consistirán na substitución de parte das cuñas de apoio, a mellora das xuntas de dilatación e a renovación completa dun tramo de tubaxe duns 35 metros.

Xeal informa que continúa coa execución do seu plan de investimentos de 28 millóns de euros, 14 millóns de euros na división de ferroaleacións e 14 millóns de euros na división de enerxía. Durante o ano 2023 a compañía planea investir 9 millóns: 4,4 millóns na división de ferroaleacións e 4,7 millóns na división de enerxía.

Na división de ferroaleacións, a compañía destaca que neste 2023 está a executarse o proxecto de aspiración e filtrado de gases dos fornos 21 e 22 da fábrica de Dumbría, que conta cun orzamento de 2,8 millóns.

Helicóptero que axuda ás tarefas de mantemento dunha tubaxe de Xeal | Fonte: XEAL