Morre un home en Melón tras sufrir unha picadura de avespa

Un home faleceu este sábado no concello ourensán de Melón tras sufrir unha picadura de avespa. O 112-Galicia recibiu a alerta sobre as 10.30 horas da mañá deste sábado, cando o 061 pediu colaboración por unha picadura de avespa no lugar de O Coruxal, en Melón.

Ata a zona desprazáronse efectivos de Garda Civil e voluntarios de Protección Civil de Melón, que colaboraron na aterraxe do helicóptero medicalizado do 061 con base en Ourense. Con todo, o persoal sanitario só puido certificar o falecemento do home.

Avespa velutina | Fonte: Charles J. Sharp.