Mondra anuncia o seu novo sinxelo 'Ruando', xunto a Aida Tarrío
Por Europa Press / Redacción | SANTIAGO DE COMPOSTELA | 28/08/2023 | Actualizada ás 20:10
Mondra anuncia a publicación do seu novo sinxelo, 'Ruando', xunto a Aida Tarrío (Tanxugueiras), cunha acción de rúa para que o público poida descubrir un breve avance do seu novo tema, que verá a luz este venres nas principais plataformas dixitais.
Carteis co símbolo da 'Resistencia ardente' atópanse en varias localizacións de Santiago de Compostela e a través dun código 'QR' impreso neles o público poderá acceder ao sitio mondra.gal e coñecer o proxecto 'Arden' e visualizar o teaser de 'Ruando', así como gardar o pre-save do single. Con esta acción, o artista quere convidar a todos os seus seguidores a sumarse á 'Resistencia ardente' compartindo o seu símbolo nas redes sociais.
