Volve o programa dirixido a buscar emprego aos mozos e mozas coruñeses de entre 18 e 30 anos
A Deputación da Coruña e a Fundación Paideia continúan un ano máis impulsando o voluntariado social en países europeos mediante un programa dirixido á mocidade da provincia en situación de desemprego.
Por Europa Press / Redacción | A CORUÑA | 13/09/2023 | Actualizada ás 19:03
A Deputación da Coruña e a Fundación Paideia continúan un ano máis impulsando o voluntariado social en países europeos mediante un programa dirixido á mocidade da provincia en situación de desemprego. O ente provincial apoia á entidade a través do financiamento das actividades formativas e informativas do programa, segundo informa.
E é que o presidente provincial, Valentín González Formoso, e Sandra Ortega, presidenta da Fundación Paideia Galicia, asinaron esta mañá o convenio, a través do que a Deputación da Coruña achegará 17.000 euros, o 70 % do custo total da iniciativa. Cada ano participan neste voluntariado mozos e mozas coruñeses de entre 18 e 30 anos. Neste exercicio, a iniciativa volverá achegar a 500 mozos e mozas a oportunidade de saír ao estranxeiro para un período de voluntariado social que vai de 6 a 12 meses de duración e que contribúe a mellorar as súas competencias persoais e profesionais.
