Impugnan o censo das eleccións sindicais de Navantia-Ferrol de outubro por incluír "representantes da empresa"

A CGT impugnou ante a mesa electoral central de Navantia-Ferrol o censo provisional para as eleccións sindicais que se celebrarán en outubro, por supostamente incluír a persoas que son "representantes da empresa".

Segundo denuncia a organización, o censo inclúe directores, membros do comité de dirección e representantes da compañía presentes na comisión negociadora do convenio colectivo. Neste contexto, a CGT tacha de "aberración" que estas persoas "poidan votar para escoller aos que van ser os seus interlocutores nas relacións laborais". Por iso, "deben ser excluídos do censo".

Traballadores de Navantia ás portas do estaleiro de Ferrol | Fonte: Europa Press - Arquivo