O auxe do fraude dixital: o 85 % dos galegos temen ser vítimas

O 85 % dos galegos teme ser vítima de fraude dixital e un 87 % considera que tanto as compañías como as administracións públicas non fan o suficiente por protexelos, segundo pon de manifesto o estudo 'Faces of Fraud', elaborado por SAS, líder en Analytics.

Este documento apunta a que case a metade dos españois (o 44 %) sufriu algún intento de estafa no último ano, así como un 37 % dos galegos. O roubo de datos bancarios sitúase como o tipo de fraude máis común en Galicia, seguido daquelas fraudes que pretenden enganar aos consumidores facéndoos crer que gañaron algún tipo de premio económico e a subtracción de datos persoais.

Así mesmo, as canles máis utilizadas polos ciberdelincuentes para realizar os seus ataques e dirixirse ás súas vítimas en Galicia son os teléfonos móbiles (75 %), o correo electrónico (68 %) e WhatsApp (45 %).

A MOSTRA DO ESTUDO

Este informe, elaborado en base a 13.500 enquisas realizadas a consumidores de 15 países diferentes, mostra que o 37 % dos consumidores galegos non ten claro as medidas que as súas entidades financeiras adoptan para protexelos da fraude ou outro tipo de delitos. Por iso, un 87 % considera que as organizacións deberían facer máis para protexelos, e un 90 % cambiaría de banco ou aseguradora se os competidores ofrecen mellores medidas de seguridade.

Neste sentido, o 85 % dos galegos está a favor de contar con máis comprobacións nas súas transaccións, co fin de conseguir unha mellor protección, mentres que o 72 % está mesmo disposto a utilizar tecnoloxía de biometría e IA para sentirse máis protexidos.

"Os ciberdelincuentes utilizan, cada vez máis, técnicas moi sofisticadas. Por iso, non é de estrañar a preocupación que ten a gran maioría dos consumidores españois de converterse en vítimas de calquera tipo de fraude", afirma Marcos Carrascosa, director de Customer Advisory en SAS Iberia.