Que días serán festivos en Galicia no 2024? O BOE publica el calendario laboral
No próximo ano non haberá pontes longas, pero si varios fins de semana de tres días.
Por Galicia Confidencial | Santiago de Compostela | 27/10/2023 | Actualizada ás 10:57
O calendario laboral de 2024 recolle un total de 12 días festivos do Estado, dos que 9 celebraranse de forma conxunta en toda España, o mesmo número que este ano, segundo unha resolución da Dirección Xeral de Traballo publicada este venres no Boletín Oficial do Estado (BOE).
En concreto, en 2024 serán festa en toda España o luns 1 de xaneiro (Aninovo), o sábado 6 de xaneiro (Epifanía do Señor), o venres 29 de marzo (Venres Santo), o mércores 1 de Mayo (Festa do Traballo), o xoves 15 de agosto (Asunción da Virxe), o sábado 12 de outubro (Festa Nacional de España), o venres 1 de novembro (Todos os Santos), o venres 6 de decembro (Día da Constitución Española) e o mércores 25 de decembro (Natividad do Señor).
Entre as facultades recoñecidas ás comunidades autónomas atópase tamén a posibilidade de substituír o descanso do luns seguinte ás festas nacionais que coinciden en domingo pola incorporación doutras que lles sexan tradicionais, así como a opción de celebrar San Xosé (19 de marzo) ou Santiago Apóstolo (25 de xullo). Aos días festivos nacionais sempre hai que sumar dous festivos autonómicos e dous locais, ata sumar un total de 16 días festivos ao ano.
UN ANO CON VARIAS FINS DE SEMANA LONGAS
A celebración de varias festas en luns ou venres, pegados por tanto ao sábado e o domingo, permitirá contar o próximo ano con algunhas fins de semana máis longas do habitual no conxunto de España. Así sucede co luns 1 de xaneiro, o venres 1 de novembro e o venres 6 de decembro.
