Identifican varias especies de morcegos en Galicia dentro de instalacións de Endesa
Esta descuberta realizouse no marco dun programa de conservación da biodibersidade.
Por Europa Press / Redacción | Santiago de Compostela | 30/10/2023 | Actualizada ás 18:30
Endesa e o Centro de Ciencia e Tecnoloxía Forestal de Cataluña (CTFC) identificaron 26 especies de morcegos -o 80 por cento de todas as coñecidas en España-, durante o últimos dez anos en 50 instalacións hidroeléctricas de Endesa en Andalucía, Aragón, Castela e León, Cataluña e Galicia, no marco do programa de conservación da biodiversidade da compañía enerxética.
O programa 'Endesabats' comezou hai unha década tras o achado dalgunhas colonias de quirópteros nas galerías das centrais hidroeléctricas. Así, a iniciativa púxose en marcha nas plantas de Orfes no Alto Empordán (Girona) e Caramasa da Noguera (Lleida), pero agora, dez anos despois alcanza a 50 localizacións repartidas en distintos puntos de España.
O obxectivo desta iniciativa é estudar o comportamento destas especies e buscar medidas para a mellora da súa conservación nas instalacións da enerxética, que foron descubertos como "refuxios naturais ideais" polas súas condicións ambientais para estas especies en situación de vulnerabilidade.
