Declarada a utilidade pública dun parque eólico en Piñor e O Irixo
Tamén a súa compatibilidade con diversos aproveitamentos forestais.
Por Europa Press / Redacción | OURENSE | 14/04/2025 | Actualizada ás 15:26
A Dirección Xeral de Enerxías Renovables outorgou a declaración de utilidade pública e a compatibilidade con diversos aproveitamentos forestais das instalacións relativas ao proxecto do parque eólico Coto da Mina, nos concellos de Piñor e O Irixo. O Diario Oficial de Galicia (DOG) publica este luns unha resolución deste departamento que ten data do 11 de outubro pasado. Incorpora un anexo coa información relativa ao acordo da Xunta do pasado 23 de setembro.
En concreto, declara a utilidade pública, o que leva implícita a necesidade de ocupación de bens ou de adquisición dos dereitos afectados e implica a urxente ocupación en relación con máis dun centenar de parcelas. En canto á declaración de compatibilidade con montes veciñais en man común afectados, trátase dos de Lagorzos-Segade e Menaz, Cardedo, Filgueira, Orosa e Casares.
