Localizan un almacenamento ilegal con máis de 200 litros de licores nun supermercado de Vedra

A Garda Civil localizou un almacenamento ilegal de licores nun supermercado do municipio coruñés de Vedra, no cal se incautaron máis de 200 litros de bebidas como licor café, augardente ou bagazo branco.

Tal como informou a Benemérita, durante a inspección realizada no establecemento atopáronse 206 litros de licores, cun valor estimado que supera os 1.800 euros. Estes alcois estaban distribuídos en depósitos, carecendo das marcas fiscais necesarias. En concreto, incautáronse oito de 16 litros de licor café, dous de augardente de herbas, unha de bagazo branco, outro depósito con 20 litros de augardente de herbas e 10 litros de augardente branco.

Por iso, o propietario do local foi informado da infracción cometida e procedeuse á confección da correspondente acta de denuncia. Como medida cautelar, o alcol foi inmobilizado e precintado no establecemento, quedando a disposición da autoridade aduaneira ata que se resolva a situación legal.

O licor café e a augardente nun supermercado de Vedra./GARDA CIVIL / Europa Press