Un tráiler cargado con coches históricos que seguía o GPS queda atrapado durante seis horas nunha ponte de Santiago
O condutor do trailer ignorou os sinais que prohiben o paso na zona a vehículos pesados e, seguindo as indicacións do navegador, cruzou polo paso estreito de pedra sobre o río Sarela, pero non puido continuar a marcha debido ás dimensións da ponte.
Por Europa Press / Redacción | SANTIAGO DE COMPOSTELA | 13/01/2024 | Actualizada ás 10:52
Un trailer con matrícula portuguesa que transportaba automóbiles clásicos quedou atrapado durante horas nunha ponte de pedra sobre o río Sarela, en Santiago de Compostela. A intervención para lograr sacar ao camión articulado desta ponte histórica situada no barrio de O Carme de Abaixo prolongouse desde as 19.00 ata a medianoite, segundo trasladou a Policía Local de Santiago.
O condutor do trailer ignorou os sinais que prohiben o paso na zona a vehículos pesados e, seguindo as indicacións do navegador, cruzou polo paso estreito de pedra sobre o río Sarela, pero non puido continuar a marcha debido ás dimensións da ponte. O suceso obrigou a mobilizar un dispositivo no que participaron axentes da Policía Local. Finalmente, ás 00.30 horas, os traballos finalizaron co desbloqueo da cabeza tractora do camión, cuxo condutor foi proposto para sanción.
