Unha muller recén operada da cadeira que sofre unha caída na súa casa ten que ser rescatada polos bombeiros do Carballiño

Os Bombeiros do Carballiño rescataron a unha muller do interior da súa vivenda que sufriu unha caída cando estaba soa. Segundo informou o 112, foi un familiar o que solicitou axuda sobre as 15.00 horas e indicou que a ferida fora operada recentemente da cadeira. Ademais, na súa comunicación, detallou que non tiña medios para acceder á vivenda, polo que solicitou recursos para que lle facilitasen o acceso.

A central de emerxencias pediu colaboración aos Bombeiros do Carballiño que se descolgaron do piso superior para entrar pola terraza do inmoble. Unha vez no interior, atoparon á muller ferida que estaba consciente pero tiña algunhas lesións provocadas pola caída. Así, os profesionais de Urxencias Sanitarias de Galicia-061 proporcionáronlle os primeiros coidados ata o seu traslado ao centro hospitalario. No operativo tamén colaboraron os axentes da Policía Local e os membros do Servizo Municipal de Protección Civil.

Sala de operacións 112 Galicia | Fonte: XUNTA - Arquivo