Convocan unha cacerolada ante a toma de posesión de Rueda para demandar solucións a empregados públicos temporais

A CNT convocou unha protesta do persoal público temporal á que convida a acudir con cacerolas fronte a San Domingos de Bonaval, lugar onde este sábado Alfonso Rueda toma posesión como presidente da Xunta. Segundo explica a central nun comunicado, a mobilización pretende demandar solucións para a temporalidade na administración, "un problema que dura décadas".

Así, a CNT demanda a conversión do persoal temporal "en fraude" a persoal fixo na liña do establecido polo Tribunal de Xustiza da Unión Europea (TJUE), que determinou o pasado mes de febreiro que as administracións españolas usaron de forma "abusiva" a contratación temporal.

Unha caravana de coches rodea a Xunta para reclamar dereitos do persoal público temporal | Fonte: CNT.