Detido en Pontevedra por saltarse a orde de afastamento da súa exparella

A Policía Local de Pontevedra detivo a pasada semana a un home por quebrantar a orde de afastamento que tiña en vigor con respecto á súa exparella. Segundo informou o corpo, a detención realizouse durante a mañá á saída dun supermercado da cidade, no que se atopaban xuntos o detido e a súa vítima. Ao ser identificados, os axentes comprobaron que o home tiña unha orde de afastamento en vigor coa prohibición de aproximarse a menos de 100 metros da muller que o acompañaba. Foi detido e trasladado á Comisaría.

Policía Local de Pontevedra | Fonte: Arquivo