O Intecmar organiza unhas xornadas de portas abertas para dar a coñecer o seu labor de control do medio mariño

O Instituto Tecnolóxico para o Control do Medio Mariño (Intecmar) organiza unhas novas xornadas de portas abertas para dar a coñecer o seu labor. Segundo informou a Xunta, as accións desenvolveranse entre o 11 e 12 de xuño, en dúas quendas, de 10.00 ás 12.00 horas e de 12.30 horas a 14.30 horas, respectivamente, e desenvolveranse en diferentes unidades analíticas.

Desta forma, as visitas están abertas á cidadanía e a inscrición pode realizarse na páxina web do Intecmar. Os participantes comprobarán a funcionalidade do centro, creado en 1992, para dar cumprimento á lexislación vixente en materia de calidade de produción de moluscos e outros organismos.

Intecmar | Fonte: Páxinas Galegas