Morre un home en Pontedeva ao envorcar o tractor que manexaba
Por Europa Press / Redacción | OURENSE | 09/07/2024 | Actualizada ás 09:46
Un home faleceu en Pontedeva ao envorcar o tractor que manexaba cando rozaba unha viña en lugar das Lamas, no municipio ourensán de Pontedeva.
Segundo informou o CIAE 112 Galicia, un particular avisou do suceso sobre as 00,20 horas e indicou que estaba vía a unha persoa atrapada debaixo dun tractor e que podía estar falecida.
Ante iso, o 112 puxo os feitos en coñecemento do Servizo de Urxencias Sanitarias de Galicia-061, dos membros do GES de Celanova, dos axentes da Garda Civil e dos efectivos de Protección Civil.
No lugar, os servizos de emerxencia só puideron confirmar a súa morte. Ademais, foi necesaria a intervención dos equipos de emerxencia para liberar á vítima, que quedou atrapada debaixo do vehículo agrícola.
