Un motorista ferido grave tras sufrir un accidente en Ordes

Un mozo resultou ferido grave na tarde deste xoves tras sufrir un accidente de tráfico coa moto que manexaba no municipio coruñes de Ordes.

Segundo a información do CIAE 112-Galicia, o suceso tivo lugar pouco despois das 14.00 horas no lugar da Brea, na parroquia de Ardemil, onde o motorista sufriu unha saída de vía.

Ata a zona desprazouse o helicóptero medicalizado do 061 con base en Santiago, que trasladou ao mozo ata o Hospital da Coruña. Ademais, tamén interviñeron os Bombeiros de Betanzos, os axentes da Garda Civil, Policía Local e Protección Civil.

Ambulancia do 061-Urxencias Sanitarias de Galicia | Fonte: URXENCIAS SANITARIAS-061 - Arquivo