Un tiburón peregrino aparece no porto de Bares, no Concello de Mañón
O animal parecía "desorientado", explica o alcalde de Mañón
Por Europa Press / Redacción | Santiago de Compostela | 23/07/2024 | Actualizada ás 19:59
Pese ao sol e a agradable temperatura da auga, os bañistas que na tarde do luns atopábanse na praia do Porto de Bares, no municipio de Mañón, saíron do mar en canto percibiron a presenza do que podería tratarse, segundo as imaxes captadas por varios usuarios, dunha quenlla peregrina.
O animal permaneceu, segundo explicou o alcalde da localidade, Alfredo Dovale, durante "un bo intre na zona" e engadiu que "pola maneira na que se movía, parecía desorientado ou mesmo enfermo".
Ao longo da xornada deste martes había certa inquietude, sinalou, por se volvía aparecer, pero non foi así. "Non é para nada normal que un animal así apareza na zona; si algún golfiño, por exemplo, pero unha quenlla non", dixo.
