Arde unha escola unitaria abandonada en Boiro

Os Bombeiros do parque comarcal provincial de Boiro interviñeron a última hora deste domingo na extinción dun incendio rexistrado nunha escola unitaria abandonada no lugar de Escarís. En concreto, segundo informa o Consorcio Contra Incendios e de Salvamento da Coruña, a alerta recibiuse pasadas as 23:30 horas deste domingo.

O lume orixinouse en varios puntos da planta baixa do inmoble, situado na parroquia de Lampón, e prendeu en roupa e mobles alí almacenados. Os bombeiros extinguiron as chamas e ventilaron o edificio. No operativo, ademais, participaron axentes da Garda Civil de Boiro e efectivos de Protección Civil da localidade.

Bombeiros atallando un incendio | Fonte: Carlos Castro - Europa Press