A Asociación de Redeiras O Fieital, de Malpica, premio á innovación na actividade pesqueira

A Asociación de Redeiras O Fieital, con sede en Malpica de Bergantiños, obtivo o terceiro premio á excelencia á innovación na actividade pesqueira ou acuícola. O colectivo que traballa nas distintas artes e aparellos de pesca foi recoñecido por contribuír á formación das súas asociadas, á súa visibilización, a súa diversificación económica e a súa participación en congresos e xornadas, o que lles permitiu a mellora da súa vida profesional.

Trátase duns premios que concede o Ministerio de Agricultura, Pesca e Alimentación (MAPA) e que outorgou á selección feminina de fútbol de España o recoñecemento especial de carácter honorífico da XV edición dos Premios de Excelencia á Innovación para Mulleres Rurais, en recoñecemento aos seus éxitos (campioa do mundo e da liga de Nacións).

"Pero tamén por converterse nun gran referente para as nenas e nenos, singularmente aquelas que viven no mundo rural", sinala sobre o mesmo. Nesta edición de 2024 concedéronse tres premios por cada unha do catro categorías convocadas (innovación na actividade agraria, na pesqueira e acuícola, na diversificación económica do medio rural e na comunicación), dotados con 18.000, 12.000 e 7.500 euros.

GOBERNO E XUNTA COLABORAN PARA LOITAR CONTRA PESCA ILEGAL

O conselleiro do Mar, Alfonso Villares, e a secretaria xeral de Pesca, Isabel Artime, puxeron en valor este luns a colaboración institucional para loitar contra a pesca ilegal, non declarada e non reglamentada. Así o sinalaron na inauguración do IV Curso de Fortalecemento de Capacidades para a Aplicación do Acordo sobre Medidas do Estado Reitor do Porto, que se celebrará ata o 26 de setembro en Vigo.

Esta iniciativa conta coa colaboración da Consellería, así como da Axencia Europa de Control da Pesca, da Organización das Nacións Unidas para a Alimentación e a Agricultura (FAO) e da Secretaría Xeral de Pesca, entre outros. Segundo Villares, a práctica non regulada non só prexudica á recadación fiscal, senón que tamén diminúe o rendemento económico do sector e afecta á imaxe dos produtos do mar, ademais da a seguridade alimenticia dos consumidores e, en xeral, aos recursos mariños.

Ao curso, que leva a cabo no buque Intermares, acudirán alumnos de distintos países para aprender sobre a importancia dunha pesca regulada e controlada. Nesta liña, en declaracións aos medios de comunicación, Isabel Artime destacou a importancia da colaboración coa Xunta, para non só detectar pesca ilegal en portos, senón tamén na comercialización.

Nun comunicado, o Goberno autonómico reivindicou o seu compromiso con este problema, tratando de concienciar á poboación e reforzando a actividade inspectora. Así mesmo, indicou que a cuarta edición deste curso está dirixida a inspectores de pesca da zona do Caribe. Concretamente de Panamá, Saint Kitts e Nevise, San Vicente e Grandinas; Santa Lucía; Trindade e Tobado; e Grenada.

Pola súa banda, o presidente da Autoridade Portuaria de Vigo, Carlos Botana, mostrou o seu orgullo de que a FAO volvese a elixir o porto da cidade olívica para formar a inspectores respecto da pesca ilegal.