A busca do pescador desaparecido en Boiro o luns continúa mediante drons
O desaparecido é un home duns 70 anos de idade que se dirixía ao citado areal de Mañóns na noite do luns e non regresou á súa casa.
Por Europa Press / Redacción | A CORUÑA | 02/10/2024 | Actualizada ás 13:34
A Unidade de Drons da Axencia Galega de Emerxencias (Axega) incorporouse á procura do pescador desaparecido desde a noite do luns en Boiro. Desde primeira hora da mañá deste mércores se reactivou o operativo, no que participan efectivos de Protección Civil, Policía Local, axentes de seguridade cidadá e do Grupo Especial de Actividades Subacuáticas da Garda Civil, así como membros do Grupo Cinolóxico de procura de persoas de Asturias peitea a zona, por mar e en terra, nas inmediacións da praia de Mañóns, en Abanqueiro.
O desaparecido é un home duns 70 anos de idade que se dirixía ao citado areal na noite do luns e non regresou á súa casa. Á mañá seguinte, a súa muller presentou unha denuncia no cuartel do Instituto Armado. Desde entón, un operativo coordinado pola Garda Civil trata de localizar a este home. A climatoloxía que afecta o norte da ría de Arousa condiciona do dispositivo e impediu que na mañá do martes tomase voo o helicóptero de apoio.
