Por que non vai Ánxela Bugallo nas listas?

As razóns deunas na Asamblea comarcal do BNG de Compostela Anxo Louzao, membro da UPG e secretario nacional de CIG-Ensino...

Por Galicia Confidencial | Galicia | 09/01/2009 | Actualizada ás 14:12

a) que cesara a Carlos Amoedo (ex secretario xeral de Cultura) sen o visto e prace da Executiva;

b) que aprobara a posta en marcha da Fundación Cidade da Cultura, "que vai en contra dos fundamentos do BNG", e;

c) que o número de votos que recibiu na anterior asamblea comarcal (a que se celebrara para aportar nomes para as listas) fora moi inferior aos de Ana Belén Pontón.

Fontes quintanistas consultadas apuntan que estas razóns teñen pouco peso argumentativo e apuntan as razóns:

a) Francisco Jorquera informou nun Consello Nacional que a Executiva tiña evaluado o cese de Amoedo. Así acordaron que este cese non seguiu os estatutos do BNG pero aceptaron as explicacións de Bugallo sobre o feito. Nesa xuntanza tamén recoñeceron o traballo de Amoedo na consellería;

b) que a Fundación Cidade da Cultura foi unha imposición da parte socialista do bipartito, aceptada polo BNG no Consello da Xunta;

c) que, efectivamente, na asamblea anterior, Bugallo recibiu menos votos que Pontón (44 fronte a 150) pero porque os militantes da UPG romperon un "pacto non escrito" segundo o cal os dous sectores (quintanistas e UPG) ían votar cada un a lista presentada polo outro. "E no caso de Bugallo, curiosamente, non foi así. Por iso utilizan agora ese argumento", apuntan.

Dende a UPG aclaran que "hai quen quere ver pantasmas onde non as hai" e aseguran que a non presencia de Bugallo nas listas é cousa de todo o BNG incluído os quintanistas e o propio Quintana.

En todo caso, na xuntanza do pasado mércores en Compostela prosperou a lista presentada pola Executiva (e na que figura Pontón como número dous) con 125 votos a favor, 25 en contra e 4 abstencións. "Ao final moito protestar pero votaron a mesma lista que nos", din dende o partido hexemónico do BNG. E é que a pesar das críticas feitas por algúns quintanistas, ao final, este sector acabou apostando pola proposta oficial. "O descontento é evidente, hai xente que non foi a esta xuntanza e, dos que foron, moitos votaron a favor pero outros fixerono en contra e outros abstiveronse", argumentan dende o quintanismo. Tamén houbo votos contrarios á lista oficial por parte do MpB e dos irmandiños.

Coruña e Ourense

E se hai descontento entre o quintanismo en Santiago, tamén o hai entre a UPG na Coruña. Nesta comarca, representantes deste partido amosaronse moi críticos coa presenza da directora Xeral do Servizo de Igualdade, Ana Bouzas, no número catro, aínda que ao final, e tal e como aconteceu en Compostela, votaron a favor da proposta da Executiva. O nome de Bouzas foi manexado por Quintana para situala como número dous da candidatura, pero finalmente, os apoios recibidos por Pontón e a presión da UPG fixeron imposible esta estratexia.

E a pesar de haber certo consenso en Lugo e Ourense entre o quintanismo e a UPG, o certo é que na asamblea comarcal de Ourense, houbo un amplio sector, fundamentalmente dos Irmandiños, que votaron en contra da proposta oficial da Executiva que sitúa a Alfredo Suárez Canal como número 1, a Tereixa Paz no 2 e a Iago Tabarés no 3. Esta candidatura recibiu 76 votos a favor, 30 en contra e 10 abstencións.

41 argalleira

O responsable do BNG comarcal de compostela é Ignacio Louzao, irmán de Anxo....

40 Mucha Fabeiro

O certo é que a Consellería de Cultura levou adiante unha política deportiva e cultural inédita neste país.Unha grande achega para a construcción nacional que agora queren minimizar 5 machitos larpeiros.

39 anonimo

Tes razón Mucha Fabeiro, a Bugallo e bastante boa na Consellaría, pero o seu desequilibro e inestabilidade, pérdea. O que escoitaches de Amoedo debeocho de dicir a Bugallo, pois o camarada Amoedo está dando clases na Universidade, polo tanto non está a facer trampa. Pola miña parte podes sacarlle o posto ao Conselleiro de Economía e deitarte coa Bugallo.

38 Mucha Fabeiro

Ton,dis que... "non se saberá ata máis adiante"... ,"o tema do seu look persoal",..."a súa relación persoal".

Lémbrasme ao meu pai cando me dicía que "a información verdadeira só lle chega aos grandes",ou cando me dicía "unha persoa non vai con eses vaqueiros vellos",ou tamén "mira con quen vai esa lagarta".
El educouse no franquismo,pero vexo que queda moito franquismo sociolóxico en toda a parte.

37 Mucha Fabeiro

Resposta a anónimo:Os conselleiros son como directores de orquestra ou adestradores de fútbol,teñen que dirixir o traballo de un equipo,é dicir, nomear ou botar altos cargos.
Cando o fixo faltaba aínda un ano para o remate da lexislatura.(Logo Touriño decidiu adiantar as eleccións para marzo).Pero como se faltara un mes ou 5 días,non se pode ter no posto a alguén cando pensas que o choio se podería facer mellor.Traballar ben tres anos non garante traballar ben a vida toda.Bugallo amosou afouteza e personalidade algo necesario para un conselleiro pero que algúns non perdoan nunha muller.
Eu escoitei que Amoedo,cheirando a caza de bruxas que estaban a argallar 5 larpeiros que queren herdar a consellería,deixara de traballar e estaba a poñer paos no traballo da Consellería e a conspirar cos que pensa que lle van dar choio no futuro.Pero isto é o de menos,a conselleira ten a facultade de nomear aos altos cargos da consellería.Outro conto é que algúns pensen en políticas que estén aí para cumplir coa cuota pero logo vaian pedir instruccións aos seus padriños.
Temos moito que roer aínda na sociedade galega para rematar co patriarcado!!