Axudas da Deputación da Coruña para persoal das oficinas de turismo municipal
Serán obxecto de subvención neste programa os postos de traballo que estean desempeñados por persoal funcionario ou laboral fixo ou temporal, pero tamén a contratación externa do servizo
Por E.P. | SANTIAGO DE COMPOSTELA | 18/12/2024 | Actualizada ás 18:49
A Deputación da Coruña investirá 800.000 euros no programa de subvencións a concellos e agrupacións de consistorios da provincia da Coruña de menos de 50.000 habitantes para o financiamento do gasto de persoal das oficinas de turismo en 2025.
Segundo informa, os beneficiarios recibirán entre 10.000 e 20.000 euros, sempre o cen por cento do importe solicitado. O prazo de presentación de solicitudes estará aberto entre o próximo 19 de decembro e o 16 de xaneiro de 2025.
Os municipios de menos de 10.000 habitantes que non dispoñan de áreas de Turismo nin persoal asignado á xestión de turismo na súa organigrama ou que non conten con grandes infraestruturas de aloxamento, pero que dispoñan de recursos capaces de xerar dinámicas positivas para o turismo, poderán solicitar a subvención mediante a agrupación de polo menos tres concellos limítrofes.
Serán obxecto de subvención neste programa os postos de traballo que estean desempeñados por persoal funcionario ou laboral fixo ou temporal, pero tamén a contratación externa do servizo.
