Piden plans de seguridade contra as festas de Nadal ilegais

O presidente da Federación Galega de Salas de Festa e Discotecas, Samuel Pousada, presentou senllos escritos para pedir a varios concellos galegos, entre eles as cidades da Coruña, Santiago, Vigo e Pontevedra, que aproben plans de seguridade contra as festas ilegais durante o Nadal.

En concreto, o sector do lecer nocturno solicita que esta folla de ruta se estenda todos os anos desde o 15 de decembro ata o 6 de xaneiro e leve un aumento dos efectivos policiais para poder sancionar aos infractores.

Ademais, reclama que haxa "unha coordinación" entre as policías locais e técnicos do concello co resto de administracións e forzas e corpos de seguridade. Todo iso co obxectivo de non permitir a celebración de actividades festivas e extraordinarias que non estean amparadas por unha autorización municipal, que carezan dos requisitos técnicos, sanitarios e de seguridade esixidos pola lexislación ou que se celebren en establecementos sen licenza nin declaración responsable.

Material intervido pola Garda Civil, que desmantelou unha festa ilegal de mozas en Culleredo (A Coruña).. GARDA CIVIL