Precísanse doazóns de sangue dos grupos A+, 0+ e 0-

A Axencia de Doazón de Órganos e Sangue (ADOS) fixo un chamamento a doar sangue en Galicia, especialmente a persoas cos grupos sanguíneos A positivo, 0 positivo e 0 negativo, porque as súas reservas están baixas. Neste sentido, ADOS lembra que todos os días do ano necesítanse entre 400 e 500 doazóns de sangue para cubrir adecuadamente as necesidades de compoñentes sanguíneos por parte dos centros sanitarios. Por tanto, o organismo dependente da Consellería de Sanidade insta á cidadanía a achegarse a calquera dos sete puntos permanentes de doazón ou ás unidades móbiles que a diario percorren municipios das catro provincias galegas.

Unidade móbil da Axencia de Doazón de Órganos e Sangue (ADOS) | Fonte: Europa Press