O informe de impacto ambiental sobre Altri pode estar listo este mes de marzo, asegura a Xunta

A Xunta confía en que ao longo deste mes de marzo estea lista a declaración de impacto ambiental sobre o proxecto da fábrica de Altri en Palas de Rei.

Así o asegurou, en declaracións aos medios, a conselleira de Medio Ambiente, Ángeles Vázquez, que apuntou que confía en que proximamente estean "concluídos todos os informes" para que "a dirección xeral correspondente" poida "avaliar cada un e ver que se cumpriu estritamente coa lei".

"Ten que darse o seu tempo", engadiu a conselleira, para quen esta cuestión "resulta ata pesada". "Espero que ao longo deste mes estea terminada a declaración de impacto ambiental", concluíu.

Infografía do proxecto de fábrica de Altri | Fonte: GREENFIBER - Arquivo