Adif reforma a súa directiva sen Seguridade na Circulación, tras a condena no accidente de Angrois

Adif finalizou a reestruturación da súa estrutura directiva co nomeamento das persoas que ocuparán as direccións xerais previstas na novo organigrama, no que xa non se inclúe a dirección de Seguridade na Circulación da que foi responsable Andrés Cortabitarte, condenado polo accidente de Angrois.

Así, esta xerencia tiña actualmente á fronte a Esther Mateo, que realizou unha peritaxe para o xuízo no que defendeu que Adif actuara correctamente no accidente que deixou 80 mortos e 145 feridos ao descarrilar un Alvia a cinco quilómetros da estación de Santiago.

Agora coa nova organización as direccións xerais previstas no novo organigrama redúcense das nove anteriores a cinco. Tras a finalización dos procesos selectivos públicos convocados para a cobertura dos cargos directivos, o presidente de Adif, Pedro Marco da Pena, designou ás persoas que ocuparán as cinco direccións xerais creadas por acordo do 28 de xaneiro adoptado polo consello de administración da entidade.

"Os perfís das persoas designadas para as direccións xerais responden o obxectivo e retos da empresa, que pasan por seguir mellorando a xestión da rede ferroviaria e os servizos que o administrador da infraestrutura ofrece aos usuarios do tren.", explica. Así, desde este momento a empresa contará con seis direccións xerais, tres de carácter corporativo e tres operativas, dedicadas á xestión e explotación ferroviaria.

O exdirector de Seguridade na circulación de Adif, Andrés Cortabitarte, á súa chegada a unha nova xornada do xuízo do accidente ferroviario do Alvia | Fonte: Álvaro Ballesteros - Europa Press